Жумладан, Наманган вилояти божхона бошқармаси Контрабандага қарши курашиш ва божхона аудити бўлими ходимлари Янгиқўрғон туманида тезкор тадбир ўтказишди.

Тадбир давомида фуқаро У.Ж. бошқарувидаги “Hyundai Porter” русумли юк автомашинаси Янгиқўрғон тумани Олмазор МФЙ ҳудудида белгиланган тартибда кўздан кечирилди.

Натижада ушбу юк автомашина юкхонасида сифати кафолатланмаган, хорижда ишлаб чиқарилган, умумий қиймати 70,5 миллион сўмлик 4704 дона энергетик ичимликлар яширилганлиги аниқланди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.