Жумладан, Фарғона вилояти божхона бошқармаси Контрабандага қарши курашиш ва божхона аудити бўлими ходимлари томонидан олдиндан олинган маълумотлар асосида ўтказилган тезкор тадбир давомида “Водил-Марғилон” йўналишида ҳаракатланаётган фуқаро М.Х. бошқарувидаги “Киа Бонго” русумли юк автотранспорт воситаси кузатувга олиниб, Марғилон шаҳри ҳудудида тўхтатилиб кўздан кечирилди. Натижада мазкур автотранспорт воситасининг юкхонасида сифатини кафолатловчи ва божхона расмийлаштирувидан ўтганлигини тасдиқловчи ҳужжатлари бўлмаган дастлабки қиймати 79 миллион сўмлик, 2 турдаги, жами 17488 дона парфюмерия товарлари борлиги аниқланди.

Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда.