Муҳтарам Президентимиз томонидан илгари сурилаётган ташаббус ва ғояларга елкадош бўлиб, улғайиб келаётган болалар қалбида Ватанга бўлган муҳаббат, садоқат, ифтихор каби туйғуларни уйғотиш муҳим аҳамиятга эга.

Шу муносабат билан Андижон вилояти божхона бошқармаси Ёшлар иттифоқи бошланғич ташкилоти томонидан Андижон шаҳрида жойлашган 14-мактабгача таълим муассасасида тарбияланаётган ёшлар учун “Табиат ва биз” мавзусида Андижон Ҳайвонот боғига саёҳат  ташкил этилди.

Экскурсия давомида болажонлар ёввойи ҳайвонлар ҳақидаги маълумотлар билан яқиндан танишдилар ҳамда она табиат ҳақидаги дунё қарашлари бироз бўлсада кенгайишига эришилди. 

Жондан азиз бўлган ўғил-қизларимизни ҳар томонлама етук, билимли, салоҳиятли, комил инсон сифатида тарбиялаш масаласига ўзига хос тарзда, замонавий усуллар асосида ёндошиш бугун ҳар қачонгиданда муҳим аҳамият касб этади.