Божхона институти  курсантлари ва тингловчиларининг билим ва кўникмаларини ошириш мақсадида,   3 ва 4 курс курсантлари ўртасида “Товарларни таснифлашнинг долзарб масалалари: назария ва амалиёт” мавзусида  “DISCUSSION CLUB – Мунозара клуби” ташкил этилди. Бундан кўзланган асосий мақсад, курсантларни божхона соҳасининг муаммоли масалаларни таҳлил қилиш ва уларга илмий ёндошган ҳолда ечим топишга ўргатиш,  пировардида уларни малакали, ҳар томонлама етук божхона ходими этиб тайёрлаш ҳисобланади.

Мазкур тадбирда, Божхона институтининг   “Божхона экспертизаси” фан тўгараги аъзолари,  шунингдек “Экспертлар”  ва  “Инспекторлар” жамоалари беллашдилар. “Discussion Club”   мунозара–баҳс  дастури 3 та асосий  шарт бўйича ўтказилди ва Ҳайъат аъзолари томонидан баҳоланди. Тадбирда Божхона институтининг профессор-ўқитувчилари  ҳамда курсантлари иштирок этишди.

1-шарт бўйича -  жамоалар мунозара мавзуси бўйича тақдимотларини намойиш этишди.     

2-шарт бўйича - жамоалар  олган назарий билимлари “Савол-жавоб” тарзида ўтказилди.

3-шарт - “Товар ТИФ ТН кодини топ!” деб номланиб, ушбу шартда жамоалар кафедра профессор-ўқитувчилари ва Давлат божхона қўмитасининг мутахассислари томонидан  юборилган “видео тасвирда  берилган турли хил номдаги товарларнинг  ТИФ ТН  код рақамларини топишди.

“Discussion Club” мунозара баҳси қизғин тарзда ўтди. Тадбир якунида ғолиб команда “Экспертлар” жамоасига  ва жамоаларнинг фаол  иштирокчиларига эсдалик совғалар топширилди.