Хусусан, Андижон вилояти божхона бошқармаси Контрабандага қарши курашиш ва божхона аудити бўлими ходимлари Миллий Гвардия ходимлари билан ҳамкорликда навбатдаги тезкор тадбирни ўтказишди.

Тадбир давомида фуқаро М.А. бошқарувидаги “Нексия-3” русумли автотранспорт воситаси тўхтатилиб, белгиланган тартибда кўздан кечирилди.

Натижада, ушбу автотранспорт юкхонасида фуқаро А.А.га тегишли бўлган, сифати кафолатланмаган, умумий қиймати 30 миллион сўмлик 200 дона “Samyun wan” номли дори воситалари борлиги аниқланди.

Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.