Чет эл фуқаролари эса Ўзбекистонга кириш чоғида олиб кирган миқдордаги нақд хорижий валютани эркин олиб чиқиб кетишлари мумкин.

Аммо, айрим шахслар томонидан мазкур тартибларга риоя қилмасдан туриб, нақд хорижий валюталарни ноқонуний равишда олиб чиқишга бўлган уринишлар ҳамон кўзга ташланмоқда.

Жумладан, Тошкент вилояти божхона бошқармасининг “Ғишткўприк” чегара божхона пости ходимлари республикамиздан пиёда равишда чиқиб кетаётган фуқаронинг Т.Б.ни қинғир қилмишларини фош этишди.

Ўтказилган шахсий кўрикдан сўнг ушбу шахс курткаси чўнтагида йўловчи божхона декларациясида ва божхона ходимларининг оғзаки сўрови пайтида маълум қилмасдан туриб, 14,6 минг АҚШ доллари ва 620.1 минг қозоқ тенгесини олиб чиқишга урингани фош бўлди.

Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.