Жумладан, Наманган вилояти божхона бошқармаси Контрабандага қарши курашиш ва божхона аудити бўлими ходимлари Давлат хавфсизлик хизмати чегара қўшинлари ҳарбий хизматчилари билан ҳамкорликда Янгиқўрғон туманида тезкор тадбир ўтказишди.

Ўтказилган тезкор тадбир давомида фуқаро У.И. бошқарувидаги “Нексия-3” русумли автомашина тўхтатилиб белгиланган тартибда кўздан кечирилди.

Натижада ушбу автомашина салонида олдиндан ясалган яширин жойда тегишли ҳужжатлари бўлмаган, хорижда ишлаб чиқарилган, умумий қиймати 58 миллион сўмлик уяли алоқа воситалари ҳамда уларнинг экран қисмлари борлиги аниқланди.

Ҳозирда ушбу ҳолат юзасидан божхона органлари томонидан суриштирув ҳаракатлари давом эттирилмоқда.