Жумладан, Фарғона вилояти божхона бошқармаси Контрабандага қарши курашиш ва божхона аудити бўлими ходимлари томонидан шу турдаги товарларнинг ноқонуний айланмаси олдини олишга қаратилган навбатдаги тезкор тадбир ўтказилди.

Тезкор тадбир давомида аввалдан кузатувга олинган Фарғона туманидан “Водил-Олтиариқ” йўналишида ҳаракатланаётган фуқаро Ш.Х. бошқарувидаги “Нексия” русумли автомашина тўхтатилиб кўздан кечирилди. Натижада, автомашинанинг юкхонаси ҳамда салонида хорижда ишлаб чиқарилган, божхона расмийлаштирувидан ўтганлигини ва сифатини тасдиқловчи ҳужжатлари бўлмаган қиймати 77,3 миллион сўмлик 6 турдаги ўсимлик зараркунандаларига қарши дори воситалари борлиги аниқланди.

Мазкур ҳолат юзасидан божхона органлари томонидан суриштирув ҳаракатлари олиб борилмоқда.