Хоразм вилояти божхона бошқармаси Контрабандага қарши курашиш ва божхона аудити бўлими ходимлари Миллий гвардия ходимлари билан ҳамкорликда сифати кафолатланмаган дори воситаларининг ноқонуний айланмасига қарши тезкор тадбир ўтказишди.

Тадбир давомида фуқаро М.Ў. бошқарувидаги автотранспорт воситаси белгиланган тартибда ва холислар иштирокида кўздан кечирилди.

Натижада, ушбу шахс автомашина юкхонасидаги божхона расмийлаштирувини тасдиқловчи ҳужжатлари бўлмаган, умумий қиймати 25,5 млн. сўмлик 1000 дона “Samyun Wan” ҳамда  1800 дона “Fatzorb” ёзувли  биологик фаол қўшимчаларини сотмоқчи бўлганида ашёвий далиллар билан қўлга олинди.

Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.