Шунга қарамай айрим фуқаролар амалдаги тартибларни бузган ҳолда алкоголли маҳсулотларни республикамизга олиб киришга бўлган ноқонуний уринишлари ҳамон учраб турибди.

Тошкент вилояти божхона бошқармаси “С.Нажимов” чегара божхона постига қўшни давлатдан кириб келган фуқаро А.Ж. бошқарувидаги “Ford Tranzit 100” русумли автотранспорт воситаси божхона кўригидан ўтказилди.

Натижада, автомашинада божхона декларациясида кўрсатилмаган ва оғзаки сўровда айтилмаган, умумий қиймати 25,2 миллион сўмлик 36 дона алкоголли ичимликлар борлиги аниқланди.

Ҳозирда ушбу ҳолатлар юзасидан божхона органлари томонидан суриштирув ҳаракатлари давом эттирилмоқда.