Мазкур йўналишдаги навбатдаги тадбир ҳам айни шу мавзуга оид масалалар юзасидан ташкил этилиб, тадбирга малакали шифокорлар таклиф этилди ва бошқарма хотин-қизларига ўзларининг зарур маслаҳат ва тавсияларини берди.

- Юртимизда хотин-қизларнинг ижтимоий-сиёсий фаоллигини ошириш, амалга оширилаётган ислоҳотларнинг муҳим омили бўлиб хизмат қилмоқда, дейди бошқарма хотин-қизлар масалалари бўйича бошланғич ташкилоти раҳбари Г.Рахматова. Ҳозирда аёллар давлат ва жамият ҳаётида фаол иштирок этмоқда, уларнинг оиладаги мавқеи мустаҳкамланмоқда. Давлатимиз раҳбари томонидан олиб борилаётган сиёсат хотин-қизларимизга чинакам бахтли яшаши учун, уларнинг ҳуқуқ ҳамда эркинликларини таъминлаш, интеллектуал ва маънавий юксалиши, касбий ҳамда оилавий мажбуриятларни ҳамоҳанг тарзда бажариши учун зарур имкониятлар яратмоқда.

Ўтказилган тадбир давомида иштирокчи аёллар ўзларининг тиббий билимлар даражасини янада ошириш имконига эга бўлишди.