Тошкент халқаро аэропортига хорижий авиарейс билан учиб келган хорижий давлат фуқароси Б.Р.нинг хатти-ҳаракатлари божхоначилар эътиборини тортди ва ушбу шахс ўрнатилган тартибда божхона кўригидан ўтказилди.

Текширув давомида ушбу шахснинг чўнтагида божхона назоратидан яширилган ва жисмоний шахслар учун белгиланган божхона тўловларисиз олиб кириш меъёридан ортиқ бўлган, умумий қиймати 50,5 миллион сўмлик, 79 грамм оқ ва яшил рангли бриллиантлардан ясалган заргарлик буюмлари борлиги аниқланди.

Ҳозирги вақтда ушбу ҳолат юзасидан божхона органлари томонидан суриштирув ишлари олиб борилмоқда.