Божхона ходимлари ҳам ушбу заҳри қотилнинг ғайриқонуний айланишиги қарши кескин кураш олиб боришмоқда.

Яқинда Давлат божхона қўмитасининг Контрабанда ва божхона қонунчилиги бузилишига қарши курашиш бошқармаси ва Тошкент шаҳар божхона бошқармаси ходимлари томонидан ўтказилган тезкор тадбир давомида Шайхонтохур тумани Хадра мавзеси ҳудудида ҳаракатланаётган П.А. исмли шахсни тўхтатиб, холислар иштирокида кўздан кечиришди.

 Натижада, унинг ёнидан целофан пакетга ўралган оғирлиги 51 гр. “наша” гиёҳвандлик воситасига ўхшаш модда борлиги аниқланиб, ашёвий далил сифатида олинди.

 Тадбир давомида Зангиота туманида П.А.истиқомат қилувчи  хонадон  ертўласи кўздан кечирилганида қора целофан пакетга ўралган бир литрли шиша банканинг ичида оғирлиги 1 кг. 115 гр. "наша" гиёҳвандлик воситасига ўхшаш модда борлиги аниқланиб, ашёвий далил сифатида олинди.

Экспертиза хулосасига кўра ашёвий далил сифатида олинган модда “ёғ ва марихуана” аралашмаси бўлиб соф оғирлиги 685,1 гр.ни ташкил этар экан.

Ҳозирда ушбу ҳолат юзасидан жиноят иши қўзғатилиб, тергов ҳаракатлари давом эттирилмоқда.

Давлат божхона қўмитаси

Ахборот хизмати