Хусусан, Сирдарё вилояти божхона бошқармаси Контрабандага қарши курашиш ва божхона аудити бўлими ходимлари томонидан вилоят ИИБ ходимлари билан ҳамкорликда ўтказилган тезкор тадбир давомида навбатдаги қинғирлик фош бўлди.

Тезкор тадбир давомида, фуқаро А.Х. бошқарувидаги “Кобальт” русумли енгил автотранспорт воситаси ўрнатилган тартибда тўхтатилиб, кўздан кечирилди.

Натижада, автомашинада фуқаро М.Н.га тегишли бўлган, умумий қиймати 58,3 миллион сўмлик товарлар борлиги аниқланиб, ашёвий далил сифатида олинди.

Аниқланган ҳолат юзасидан ҳозирда божхона органлари томонидан суриштирув ҳаракатлари давом эттирилмоқда.