Навбатдаги учрашув Тошкент шаҳри Сирғали туманида жойлашган “OLIY NE`MAT MAHSULOTLARI” маъсулияти чекланган жамиятида бўлиб ўтди.

Унда Тошкент шаҳар божхона бошқармаси бошлиғи Т.Саидов томонидан “Сирғали” божхона пости ходимлари билан биргаликда корхона фаолияти ўрганилди.

Жамият томонидан ўтган 2020 йил давомида 563 минг долларлик ун маҳсулотлари Афғонистон давлатига экспорт қилинган.

Шунингдек, жамият томонидан 2020 йил давомида 150,4 млрд сўмлик маҳсулотлар ички бозорга йўналтирилган.

Жамият раҳбари А.Шакировнинг сўзларига кўра, Афғонистон давлати билан тузилган Толлинг  шартномаси асосида 56,4 минг тонна буғдой маҳсулоти қайта ишлаб берилиб, қиймати 2,2 млн. АҚШ долларига тенг хизматлар кўрсатилган.