“Москва-Қарши” йўналиши бўйича парвозини якунлаб “яшил йўлак”дан ҳаракатланган фуқаро  Н. А. нинг ҳаракатлари божхона ходимлари томонидан шубҳа уйғотди. Шундан сўнг зийрак божхона ходимлари фуқаронинг қўл ва юк сумкаларини холислар иштирокида божхона назоратидан ўтказди.

Маълум бўлишича, гумонланувчи мамлакатимизга олиб кирилиши тақиқланган 6 литр спиртни 2 литрли “Coca Cola” баклашкаларига жойлаган ҳолда олиб киришга уриниб ҳуқуқ тартибот идоралари вакилларини алдашга урингани фош бўлди.

Ҳозирда мазкур ҳолат юзасидан божхона текширувлари ва суриштирув ишлари олиб борилмоқда.

Давлат божхона қўмитаси

Ахборот хизмати