Фарғона  вилояти божхона бошқармасининг Контрабанда ва божхона қонунчилиги бузилишига қарши курашиш бўлими ходимлари томонидан ўтказилган тезкор тадбирда Олтиариқ туманида ҳаракатланаётган “Кобалт” автомашинасини кўздан кечириш давомида 73 кг.дан ортиқ оғирликдаги пиротехника воситаларининг йўли тўсилди.

Муқаддам айланма йўллар билан олиб кирилган 2 турдаги 28 минг донадан ортиқ мазкур пиротехника воситаларининг умумий қиймати 8.2 млн. сўмни ташкил қилмоқда.

Риштон туманида ҳам шу турдаги божхона қоидабузарлиги бартараф этилди. Қўқонга йўл олган “Нексия” автомашинаси холислар иштирокида кўздан кечирилганида, автомашина салони ва юкхонасида муқаддам қўшни давлатдан айланма йўллар орқали олиб кирилган, хорижда ишлаб чиқарилган, божхона расмийлаштирувидан ўтганлигини тасдиқловчи хужжатлари бўлмаган умумий қиймати салкам 12 млн. сўмлик 119,5 кг. оғирликдаги 143 минг донадан ортиқ пиротехника воситалари борлиги аниқланди.

Ҳозирда ушбу ҳолатлар юзасидан божхона текширувлари амалга оширилмоқда.

Давлат божхона қўмитаси

Ахборот хизмати