Жумладан, Фарғона вилояти божхона бошқармаси Контрабандага қарши курашиш ва божхона аудити бўлими ходимлари томонидан олдиндан олинган маълумотлар асосида навбатдаги тезкор тадбир ўтказилди.

Тадбир давомида, фуқаро М.З.га тегишли бўлган “Нексия” русумли енгил автотранспорт воситаси кўздан кечирилганида, автомашинада умумий қиймати 74 миллион сўмлик акциз маркалари билан маркаланмаган 7390 қути тамаки маҳсулотлари борлиги маълум бўлди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.