Шунга қарамасдан, бугунги кунда ҳам айрим шахслар томонидан ортиқча энергия сарфига сабаб бўлувчи мазкур лампалар савдоси билан шуғуллаётганликлари аниқланмоқда.

Хусусан, Қорақалпоғистон Республикаси божхона бошқармаси Контрабандга қарши курашиш ва божхона аудити бўлими ходимлари томонидан Нукус шаҳрида ўтказилган тезкор тадбир давомида фуқаро А.А  чет давлатда ишлаб чиқарилган, ҳеч қандай ҳужжатлари бўлмаган, жами 1120 дона (100W ва 150W қувват) чўғланма лампаларни 3 600 000 сўмга сотаётган вақтида тадбир иштирокчилари томонидан тўхтатиб қолинди.

Худди шундай яна битта ҳолатда, бўлим ходимлари томонидан 200 дона чўғланма лампаларнинг ноқонуний ҳаракатига чек қўйилди.  Нукус шаҳрида ўтказилган мазкур тадбирда фуқаро П.М қуввати 300 W га тенг чўғланма лампаларни 2 миллион сўм пул эвазига сотаётган вақтида тадбир иштирокчилари томонидан тўхтатиб қолинди.

Ҳозирда мазкур ҳолатлар юзасидан божхона органлари томонидан суриштирув ҳаракатлари давом эттирилмоқда.