Хусусан, Тошкент шаҳар божхона бошқармаси томонидан экспорт қилувчи корхоналар фаолияти ўрганилиб, жойларда мавжуд муаммолар бўйича амалий ёрдам кўрсатилиб келинмоқда. Навбатдаги учрашув “METAL PROCESSING TECHNOLOGY” масъулияти чекланган жамиятида бўлиб ўтди.

Учрашув давомида бошқарма бошлиғи Т.Саидов, “Аркбулоқ” ташқи иқтисодий фаолият божхона пости бошлиғи Ғ.Носиров ва маъсул ходимлар иштирокида корхона фаолияти ўрганилиб, маҳсулотларни экспорт қилиш жараёнида мавжуд муаммолар ва уларни ҳал этиш йўллари бўйича келишиб олинди.

Корхона томонидан 2020 йилда 2,3 млн. АҚШ доллари қийматдаги технологик асбоб ва ускуналар импорт қилинган бўлса, шунинг баробарида умумий қиймати 21,4 млн. АҚШ долларга тенг бўлган металлар ва улардан тайерланган буюмлар Қозоғистон, Россия, Украина, Беларус, Туркия, Миср ҳамда Озарбайжон каби давлатларига экспорт қилинган.