Бу борада Тошкент шаҳар божхона бошқармаси “Бош почтамт” божхона постида бир нечта ҳуқуқбузарлик ҳолатлари фош этилди.

Хусусан, хориждан фуқаро Р.Ш. номига келган почта жўнатмаси божхона назоратидан ўтказилганда, жўнатма ичида эксперт хулосасига кўра, таркибида “гиёҳвандлик” моддаси бўлган 28 дона “ROKACET” номли дори воситаси борлиги аниқланди.

Яна бир ҳолатда, фуқаро Х.О. номига келган жўнатмада 80 дона “ACAMOL” номли таркибида  “гиёҳвандлик” моддаси бўлган дори воситаси борлиги аниқланди.

Бундан ташқари, фуқаро К.Г номига келган почта жўнатмасида “BONDORMIN” номли психотроп дори воситаси борлиги аниқланди.

Ҳозирда мазкур ҳолатлар юзасидан божхона органлари томонидан терговга қадар текширув ҳаракатлари олиб борилмоқда.