Сирдарё тумани ҳудудида ўтказилган бу галги тадбирда парфюмерия маҳсулотлари ноқонуний айланувининг олди олинди. Яъни, олдиндан кузатувга олинган фуқаро Ш.Т бошқарувидаги “ISUZU” русумли автотранспорт воситаси белгиланган тартибда тўхтатилиб, кўздан кечирилди. Натижада, автомашинанинг юкхонасида бошқа бир фуқарога тегишли, чет элда ишлаб чиқарилган, ҳеч қандай ҳужжатлари бўлмаган, 3 хил турдаги,  дастлабки қиймати 7,5 миллион сўмлик 262 дона, парфюмерия товарлари борлиги аниқланди.

Сифати кафолатланмаган ушбу товарлар ашёвий далил сифатида олиниб, ҳозирда терговга қадар текширув ҳаракатлари олиб борилмоқда.