Жумладан, Наманган вилояти божхона бошқармаси Контрабандага қарши курашиш ва божхона аудити бўлими ходимлари Давлат хавфсизлик хизмати чегара қўшинлари ҳарбий хизматчилари ва Ички ишлар ходимлари билан ҳамкорликда Янгиқўрғон туманида тезкор тадбир ўтказишди.

Ўтказилган тезкор тадбир давомида Янгиқўрғон туманида яшовчи фуқаро М.А.нинг дала ҳовлиси белгиланган тартибда кўздан кечирилди.

Натижада ушбу дала ҳовлида юртимизга қўшни мамлакатдан ноқонуний олиб кирилган,  хорижда ишлаб чиқарилган умумий қиймати 550 миллион сўмлик 350 дона телевизорлар ҳамда 92 метр тикувчиликда фойдаланиладиган матолар борлиги аниқланди.

Ҳозирда ушбу ҳолат юзасидан божхона органлари томонидан суриштирув ҳаракатлари давом эттирилмоқда.