Бу борада Давлат божхона қўмитаси Божхона институти ҳамда Тошкент шаҳар божхона бошқармаси ўртасида ҳам ўзаро ҳамкорлик ишлари йўлга қўйилган.

Хусусан, Божхона институтининг Махсус фанлар кафедраси катта ўқитувчиси А.Узоков “Тошкент-товар” божхона постида бўлиб, божхона соҳасидаги назария ва амалиёт жараёнларини ўзаро солиштирган ҳолда ўрганди.

Амалиёт давомида А.Узоқов ўзининг назарий билимларини пост ходимларига улашган ҳолда маҳорат дарсларида долзарб мавзулар бўйича маърузалар ўқиб берди.

Божхона соҳасида илмий-педагогик фаолият ҳамда амалиёт ўзаро боғланаётганлиги албатта иш сифатини оширади. Зеро, назария ва амалиёт ҳамда тажриба уйғунлашган жойда сифат бўй кўрсатади.

УМИД ҚОДИРОВ,

“Тошкент-товар” божхона пости бошлиғи