Тошкент вилояти божхона бошқармаси Контрабандага қарши курашиш ва божхона аудити бўлими ходимлари бошқа ҳуқуқни муҳофаза қилувчи органлар билан ҳамкорликда Тошкент шаҳри ҳудудида тезкор тадбир ўтказишди.

Тадбир давомида, Мирзо Улуғбек туманида фуқаро Б.Ш.бошқарувидаги “Орландо” русумли автоулов ўрнатилган тартибда кўздан кечирилди.

Натижада, автомашинада йўловчи сифатида кетаётган фуқаро М.Д.нинг эгнидаги курткаси чўнтагида жами 11 дона ўрамда бўлган соф вазни 249.96 грамм бўлган “Гашиш” гиёҳвандлик воситаси борлиги аниқланди.

Шундан сўнг, мазкур автоуловда йўловчи сифатида ўтирган яна бир фуқаро Н.М. 1 дона ўрамда соф вазни 23.53 грамм бўлган “гашиш” гиёҳвандлик воситасини ўриндиқ остига яширганлиги аниқланди.

Тезкор тадбир давомида жами 273.49 грамм бўлган “гашиш” гиёҳвандлик воситаси қонунбузарлардан ашёвий далил сифатида олинди.

Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.