Айниқса, халқаро аэропортларда “яшил” ва “қизил” йўлаклар жорий этилиши натижасида баъзи бир йўловчилар “яшил” йўлак орқали ҳаракатланиб, ўзи билан бирга тақиқланган ёки меъёрдан ортиқча бўлган товарларни божхона назоратидан олиб ўтишга уринишлари ҳали ҳануз кузатилмоқда.

Бунга ўхшаш ҳолатларни аниқлашда божхона ходимидан маҳорат ва малака талаб этилади. 

Айнан шу мақсадда Самарқанд вилояти божхона бошқармаси шахсий таркиби иштирокида Божхона институти билан ҳамкорликда 2 кун давомида ўқув-амалий машғулот ўтказилди.

Унда Божхона институтининг психолог ўқитувчиси Миракром Қодиров ва тажрибали божхона фахрийси Одил Фахриддиновлар маърузалари билан иштирок этишди.

Маърузаларда чегара ва ташқи иқтисодий фолият божхона постларида хизмат олиб бораётган ходимларнинг малакасини ошириш, чегара орқали кириб келадиган контрабанда ашёларини аниқлаш усуллари, божхона назорати шаклларини амалиётда қўллашда психологик ҳолатлар, шахслараро муносабат ва мулоқотнинг ўзига хос жиҳатлари ҳамда бугунги кундаги замонавий профайлинг тизими моҳиятини ходимлар онгига етказишга эътибор қаратилган.

Назарий билимларни олган ходимлар амалиётда учраётган ҳолатлар бўйича ўзларини қизиқтирган саволлари билан мутахассисларга мурожаат этишди.

Бу каби ўқув-машғулотларининг ўтказилиши ходимларнинг малакасини оширишига ва албатта келажакда иш самарадорлигига ижобий таъсир кўрсатади.