Хусусан, хорижий авиарейс билан учиб келган фуқаро А.Э.га тегишли  юкларнинг сканер қурилмалари орқали олинган тасвирлари Тошкент халқаро аэропорти чегара божхона пости ходимларининг эътиборини тортди.

Ўрнатилган тартибда ушбу юклар божхона кўригидан ўтказилганида, уларнинг ичида 1 дона автомагнитафон ва 1 дона аккумулятор батареяси учун қувватловчи ускуна ичида божхона назоратидан яширилган ҳамда жисмоний шахслар учун белгиланган божхона тўловларисиз олиб кириш меъёридан ортиқ бўлган 144,3 миллион сўмлик 481 грамм тилладан ясалган заргарлик буюмлари борлиги аниқланди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.