Тадбир давомида жисмоний шахсларга берилган имтиёзлардан фойдаланган ҳолда товарларни божхона чегарасидан ўтказиб, сўнг уларни ички бозорда ноқонуний тарзда сотиш пайида бўлган шахслар қўлга олинди.

Жумладан, “Тошкент” халқаро аэропортининг йўловчиларни кутиб олиш жойида хорижий аварейс орқали учиб келган йўловчилардан тилладан ясалган заргарлик буюмларини йиғиб олиб, аэропорт ҳудудини тарк этаётган фуқаро И.А. ходимлар томонидан тўхтатиб, шахсий кўрикдан ўтказилди.

Шахсий кўрик натижасида, унинг ёнидаги қора рангли сумкада 5 нафар йўловчилардан ноқонуний тарзда йиғиб олинган, умумий қиймати 151 миллион сўмлик 322,53 грамм оғирликдаги тилладан ясалган заргарлик буюмлари борлиги аниқланди.

Ҳозирда ушбу ҳолат юзасидан божхона органлари томонидан суриштирув ҳаракатлари давом эттирилмоқда.