Жумладан, Сирдарё вилояти божхона бошқармаси “Сирдарё” чегара божхона постига қўшни мамлакатдан кириб келган фуқаро Р.Ж. бошқарувидаги  “КАМАЗ” русумли юк автотранспорт воситаси ўрнатилган тартибда кўздан кечирилди.

Натижада, автомашинада йўловчи божхона декларациясида кўрсатилмаган оғзаки савол-жавобда маълум қилинмаган, хорижда ишлаб чиқарилган, умумий қиймати 55 миллион сўмлик, 2 хил турдаги нефть маҳсулотларининг сифатини аниқловчи анализатор борлиги маълум бўлди.

Ҳеч қандай ҳужжатлари бўлмаган ушбу техник воситалари  ашёвий далил сифатида олиниб, ҳозирда ҳолат юзасидан божхона органлари томонидан суриштирув ҳаракатлари давом эттирилмоқда.