Учрашувда “Ягона дарча” божхона ахборот тизимида айрим мутасадди вазирлик ва идоралар томонидан рухсатнома тусидаги ҳужжатлар ҳамда тегишли сертификатларни тақдим этиш жараёнларига кўп вақт сарф этилиши кузатилаётганлиги таъкидланди.

Жумладан, бу борада амалга оширилган таҳлиллар натижасида, 19 651 та мувофиқлик сертификати, 56 та экология сертификати, 3456 та санитария-эпидемологик хулосаси, 1530 та ветеринария рухсатномаси, 4303 та карантин рухсатномаси 11-30 кун ичида берилганлиги таъкидланди.

Учрашув якунида давлат органлари олдида қўйилган вазифаларни тўлақонли ва сифатли бажариш, қолаверса ҳар бир ташқи иқтисодий фаолият қатнашчисига қулай, шаффоф ва тезкорликда хизмат кўрсатиш борасида таклиф ва мулоҳазалар билдирилиб, ўзаро фикрлар алмашилди.