Форумда вилоят божхона бошқармаси ходимлари муносиб иштирок этиб, сўнгги йилларда божхона соҳасида тадбиркорликни ривожлантиришга кенг имкониятлар яратилганлиги, божхона расмийлаштирувини амалга ошириш жараёнида ҳалол фаолият олиб борувчи тадбиркорларимизга енгилликлар берилиб, соҳа вакилларини ҳар томонлама қўллаб-қувватлашга қаратилган имтиёз ва қулайликлар хусусида тадбир иштирокчиларига батафсил маълумотлар берилди.

Хулоса ўрнида, эндиликда божхона органлари тадбиркорга хизмат кўрсатувчи ва кўмакчи бизнес-ҳамкор идора сифатида ислоҳ қилиниши таъкидлаб ўтилди.

Форум якунида тадбиркорлар ва ишбилармон доира вакиллари ҳамда депутатлар ўзларини қизиқтирган саволларга атрофлича жавоблар олишди.