8 декабрь – Конституция куни байрами муносабати билан Жиззах вилояти божхона бошқармасида “Конституция ва қонун устуворлигини таъминлаш барчамизнинг бурчимиздир” мавзусида байрам тадбири бўлиб ўтди.

Аввало шуни таъкидлаш лозимки, юртимизда олиб борилаётган ижтимоий-иқтисодий ва сиёсий ислоҳотлар бевосита Конституцияга таянган ҳолда амалга оширилмоқда.  Конституциянинг асосий моҳияти шундаки, у жамият ва унинг аъзолари олдига мақсад қўяди. Ана шу эзгу мақсадга эришишнинг йўлларини ўзида мужассам этади. Жамиятни  ҳуқуқий қадриятлар асосида ташкил этишда Конституциянинг ўрни беқиёсдир.

Тадбирда бошқарма бошлиғи Н.Мусамухамедов сўзга чиқиб, бу жиҳатларга алоҳида тўхталиб ўтди ва ушбу байрам билан барча шахсий таркибни самимий қутлади.

Шунингдек, сана муносабати билан тизимда самарали меҳнат олиб бораётган, ўз фаолияти билан ҳамкасбларига ўрнак бўлиб келаётган бир қанча фидойи божхона ходимлари фахрий ёрлиқ ҳамда эсдалик совғалар билан тақдирланишди.