Жумладан, Бухоро вилояти божхона бошқармаси “Олот” чегара божхона постига қўшни мамлакатдан кириб келган фуқаролар Р.Н, С.Ф ва Ж.Б бошқарувидаги юк автомашиналари белгиланган тартибда божхона кўригидан ўтказилди.

Натижада, ушбу автоуловлар юкхонасида декларацияда кўрсатилганидан ортиқча бўлган, умумий қиймати 82 миллион сўмлик мандаринлар борлиги маълум бўлди.

Яна бир ҳолатда мазкур пост ходимлари томонидан юртимиздаги масъулияти чекланган жамиятлардан бирининг номига “Mersedes-Benz” русумли юк автомашинасида келтирилган товарлар хавфни бошқариш тизими орқали қизил йўлакка тушганлиги сабабли божхона кўригидан ўтказилди.

Натижада, автомашина юкхонасида юк кузатув ҳужжатларида кўрсатилганидан ортиқча бўлган, умумий қиймати 94 млн. сўмлик кивилар борлиги аниқланди.

Ҳозирда ушбу ҳолатлар юзасидан божхона органлари томонидан суриштирув ҳаракатлари давом эттирилмоқда.