Андижон вилоятида фаолият юритаётган хусусий корхона номига хориждан умумий қиймати 2,6 минг АҚШ долларидан зиёд, оғирлиги 24 тонна 220 кг. текстил махсулотларини ишлаб чиқаришда фойдаланиладиган хомашё товарлари олиб келинади.

Бироқ “уддабурон” тадбиркорнинг ишончли вакили томонидан тақдим этилган ҳужжатлар божхоначиларнинг эътиборини тортди. Шундан сўнг товарларнинг ташқи иқтисодий фаолият товар номенклатура кодига ва тонналардаги тафовутига аниқлик киритиш мақсадида товарлар божхона кўригидан ўтказилди.

Ўтказилган божхона кўриги давомида 5254 кг. оғирликдаги товарлар ҳужжатларда қайд этилмагани фош бўлди. Шу тариқа умумий қиймати 163 020 000 сўм миқдордаги товарларни божхона тўловларидан четлаб олиб ўтишга бўлган уринишга чек қўйилди.

Ҳозирда мазкур ҳолат юзасидан дастлабки суриштирув ишлари олиб борилмоқда.