Давлат божхона қўмитаси Контрабандага қарши курашиш ва божхона аудити бош бошқармаси ходимлари Давлат хавфсизлик хизмати ходимлари билан ҳамкорликда ўтказилган тезкор тадбир давомида фуқаро А.Н. бошқарувидаги “Ласетти” русумли автомашина тўхтатилиб, ўрнатилган тартибда кўздан кечирилди.

Натижада, автомашина ўриндиқлари орасидаги ичимлик идишида 5 дона “Лирика перегабалин” номли кучли таъсир қилувчи дори воситалари ҳамда бардачок ичида эса 4 грамм гашиш гиёҳвандлик воситаси яширилганлиги аниқланди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.