Хусусан, Наманган вилояти божхона бошқармаси Контрабандага қарши курашиш ва божхона аудити бўлими ходимлари ДХХ Чегара қўшинлари ҳарбий хизматчилари билан ҳамкорликда Чортоқ туманида тезкор тадбир ўтказишди.

Тезкор тадбир давомида Чортоқ туманининг чегара олди ҳудудида харакатланаётган  фуқаро С.А. бошқарувидаги “М-412” русумли автомашина тўхтатилиб белгиланган тартибда холислар иштирокида кўздан кечирилди. Натижада, ушбу автомашина салонида тегишли ҳужжатлари бўлмаган, хорижда ишлаб чиқарилган 92 миллион сўмлик 462 жуфт қишги оёқ кийимлари борлиги аниқланди.

Ҳозирда ушбу ҳолат юзасидан божхона органлари томонидан суриштирув ҳаракатлари давом эттирилмоқда.