Жумладан, Фарғона вилояти божхона бошқармаси Контрабандага  қарши курашиш ва божхона аудити бўлими ходимлари томонидан пиротехника воситаларини ноқонуний олиб кирилиши ва айланмасининг олдини олишга қаратилган навбатдаги  тезкор тадбир ўтказилди.

Тадбир давомида, Тошлоқ тумани ҳудудида ҳаракатланаётган фуқаро К.С. тўхтатилиб унга тегишли бўлган 2 дона қўл сумкалари кўздан кечирилди. Натижада, сумкаларда умумий қиймати 20,4 миллион сўмлик 2400 қути жами 144 000 дона пиротехника воситалари борлиги аниқланди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.