Божхона органлари томонидан пиротехника воситаларининг ноқонуний айланмасига қарши тизимли равишда кураш олиб борилмоқда.

Хусусан, Қорақалпоғистон Республикаси божхона бошқармаси Контрабандага қарши курашиш ва божхона аудити бўлими ходимлари томонидан пиротехника воситаларининг ноқонуний айланмасини олдини олиш мақсадида Нукус шаҳрида тезкор тадбир ўтказилди.

Тадбир давомида фуқаро А.Р. 300 қутида жами 18000 дона пиротехника воситаларини ноқонуний равишда сотаётган вақтида тўхтатилиб қолинди.

Тадбир давом эттирилиб, ушбу шахснинг яшаш хонадони кўздан кечирилганида 720 дона пиротехника воситаларини фуқаро ўз ихтиёри билан тадбир иштирокчиларига топширди.

Аниқланган мазкур ҳуқуқбузарлик ҳолати бўйича жами 18720 дона пиротехника воситалари ашёвий далил сифатида вақтинча сақловга олинди.

Навбатдаги тезкор тадбир давомида фуқаролар Ж.О ва О.Блар томонидан чет давлатда ишлаб чиқарилган 12 000 дона пиротехника воситаларини 3 000 000 сўм эвазига ноқонуний тарзда сотаётган вақтида тадбир иштирокчилари томонидан тўхтатиб қолинди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.