Жумладан, “Ўзбек бўрибосарлари” зотини сақлаш жамияти билан Давлат божхона қўмитаси Миллий кинология маркази ўртасида ҳамкорлик қилиш меморандуми имзоланди.

Мазкур Меморандумда кинология соҳаларида наслчилик ишларини ривожлантириш ва зотдор хизмат итлари турларини кўпайтириш, ветеринария, профилактика ва даволаш тадбирлари бўйича ўзаро ҳамкорлик қилиш ва тажриба алмашиш, кинология соҳаларида қўшма тадқиқотлар ўтказиш, итларни алмашиш, ҳадя қилишларни ташкил этиш, томонларнинг соҳаларда ўзаро маслаҳатлашуви асосида, ахборот алмашинувини йўлга қўйиш, “Ўзбек бўрибосарлари” зотини сақлаш, зот билан ишлаш, зотдаги илғор вакилларни аниқлаш (сунъий танлов), асосида наслни кўпайтиришни таъминлаш, итларни келиб чиқиши ва ҳисобини юритиш учун уларнинг шажараларини тузиш ишларини олиб боришда ҳамкорлик қилиш ва соҳага оид бўлган бошқа тадбирларни амалга ошириш кўзда тутилган. 

Ўзаро ҳамкорлик натижасида  миллий зотни кўпайтириш ва асраб қолиш ҳамда мазкур зотга қизиқувчи фуқароларга, Ўзбекистон Республикаси ветеринария ва чорвачиликни ривожлантириш қўмитаси ҳамда овчи ва балиқчилар спорт бирлашмаси аъзоларига мазкур зотдаги  итларни шартнома асосида етказиб бериш йўлга қўйилади.