Тошкент шаҳар божхона бошқармаси ташаббуси билан Ўзбекистон Республикаси Президентининг 2020 йил 5 июндаги “Божхона маъмуриятчилигини ислоҳ этиш ва Ўзбекистон Республикаси давлат божхона хизмати органлари фаолиятини такомиллаштириш тўғрисида” ПФ-6005-сон Фармони ижроси юзасидан назорат қилувчи органлар томонидан ТИФни амалга оширишда рухсатнома ва бошқа тусдаги ҳужжатлар олиниши лозим бўлган ҳамда лицензияланадиган ва квоталанадиган товарларга нисбатан нотариф тартибга солиш чоралари қўллашни мувофиқлаштириш, ҳамкорликдаги ишларни ташкиллаштириш, шунингдек, тадбиркорларда бўлаётган муаммоли масалаларга биргаликда ечим топиш мақсадида “Ўзбекистон илмий-синов ва сифат назорати маркази” давлат корхонаси, Давлат экологик сертификатлаштириш ва стандартлаштириш маркази, Тошкент шаҳар санитария-эпидемиологик осойишталик ва жамоат саломатлиги маркази, Тошкент шаҳар Ўсимликлар карантини инспекцияси ҳамда Тошкент шаҳар ветеринария ва чорвачиликни ривожлантириш бошқармасининг мутасадди раҳбарлари билан учрашув ташкил этилди.