Аммо, айрим шасхларни ушбу меъёрлар қониқтирмаётган кўринади. Яқинда Сурхондарё вилояти божхона бошқармаси Контрабанда ва божхона қонун бузилишига қарши курашиш бўлими ходимлари томонидан Сариосиё туманида ўтказилган текзор тадбирлар давомида қўшни давлатдан божсиз олиб кириш меёъёрларини суистеъмол қилган ҳолда маиший техника буюмларини олиб киришга уринган шахслар фаолиятига чек қўйилди.

Жумладан, О.Б. “Сариосиё” чегара-божхона постидан ўтиб қайтаётган шахсларни маълум бир ҳақ эвазига ёллаб, шахсий фойдаланиш ниқоби остида 10 дона телевизорларни олиб ўтиб беришларига кўндиради. Шу зайлда қиймати 27,5 млн. сўмлик телевизорларни тижорат мақсадида олиб ўтаётган пайтида божхоначилар томонидан тўхтатиб қолинди.

Худди шу сценарийни фукаро М.А. ҳам такрорлади. У жами қиймати 40 млн. сўмлик 6 турдаги 23 дона телевизор ва 1 дона совутгични қўшни уринган вақтда унинг ноқонуний хатти-ҳаракатларига чек қўйилди.

Ҳозирда ушбу ҳолатлар юзасидан божхона текширувлари давом эттирилмоқда.

Сурхондарё вилояти
божхона бошқармаси
Ахборот хизмати