Тадбирда сўз олганлар,  ўзбек тилининг тарихи, ўзбек тилини сақланиб қолиши ва бизгача етиб келишида атоқли адиблар ва мутафаккирларимиз чеккан машаққатлар, шунингдек, яқин ўтмиш давомида она тилимизнинг янада сайқалланиши, бадиийлиги, тарихийлиги ва дунё миқёсида аҳамияти ҳамда нуфузини оширишга қаратилган қатор маданий, маънавий-маърифий, мафкуравий изланишлар, илмий тадқиқотлар олиб борилганлигига алоҳида тўхталдилар.

Шунингдек, Ўзбекистон Ёзувчилар уюшмаси Навоий вилояти бўлими раиси ўз нутқида, она тили — миллат ғурури, унинг энг улуғ қадрияти, миллийлигимиз, буюк тарихимиз, юксак маънавиятимизнинг асоси эканлигини таъкидлади. Узоқ йиллик тарихга эга  ўзбек тили Алишер Навоий давридаги ривожи яна бир поғонага кўтарилганлигини, буюк шоир ва мутафаккир бўлган зот туркий тилни луғат бойлиги ва нафислиги жиҳатидан бошқа тиллардан ҳеч ҳам кам эмаслигини ўзининг кўплаб асарлари орқали исботлаганлигини ҳам айтиб ўтди. Маърузачи ўзбек тилининг сермаъно эканлигини кўрсатиб берувчи шеърлардан намуналар ўқиб берди.

Тадбир сўнгида “Ижодкор божхоначилар” бадиий кенгаши аъзоси томонидан, тадбир иштирокчилари қалбида ўз она тилларига нисбатан ифтихор туйғусини уйғотувчи “Она тилим” деб номланган шеър ўқиб эшиттирилди.