Бухоро вилояти божхона бошқармаси “Бухоро” ташқи иқтисодий фаолият божхона пости ходимлари томонидан юртимиздаги масъулияти чекланган жамиятлардан бирининг номига олиб келинган ёғоч товарлари ўрнатилган тартибда божхона кўригидан ўтказилди.

Натижада, автомашинада юк кузатув ҳужжатларида кўрсатилганидан ортиқча бўлган, умумий қиймати 18,1 миллион сўмлик ёғоч маҳсулотлари борлиги аниқланди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.

Жавоҳир Исмоилов
Бухоро вилояти божхона бошқармаси Ахборот хизмати

Элёр Хўжамов
Ўзбекистон Республикаси Бош прокуратураси
20 бошқарма прокурори