Дастлаб фуқаро С.М ўзи бошқарувидаги ушбу автомашинада шафтоли олиб кетаётганлигини маълум қилди. Аммо, божхоначилар шафтолилар остини кўздан кечиришганида автомашинага қўшни давлатдан юртимизга ноқонуний олиб кирилган, хорижда ишлаб чиқарилган умумий қиймати 7 млн. 728 минг сўмлик 2364 жуфт қурилишда фойдаланиладиган қўлқоплар хамда 2 минг дона ёндиргичлар усталик билан яширилганлигини аниқлашди.

Рақамларга кўра, жорий йилнинг ўтган даври мобайнида вилоят божхоначилари томонидан ҳуқуқни муҳофаза қилувчи бошқа идоралар билан ҳамкорликда аниқланган 110 та қонунбузарлик ҳолатларида 1 млрд. 435 млн.  сўмлик товар-моддий бойликларнинг ноқонуний олиб ўтилиши олди олинди.

Ҳозирда юқоридаги ҳолат юзасидан текширув ҳаракатлари олиб борилмоқда.

Давлат божхона қўмитаси

Ахборот хизмати