Мазкур йўналишдаги навбатдаги учрашув Шаҳрисабз шаҳрида ўтказилди ва унда Шаҳрисабз, Китоб, Чироқчи ҳамда Яккабоғ туманларида фаолият юритувчи ташқи иқтисодий фаолият қатнашчилари иштирок этишди.  

Тадбирда Ўзбекистон Республикаси Президентининг 2020 йил 5 июндаги “Божхона маъмуриятчилигини ислоҳ этиш ва Ўзбекистон Республикаси давлат божхона хизмати органлари фаолиятини такомиллаштириш тўғрисида”ги ПФ-6005-сон Фармони ҳамда 21 августдаги “Маҳаллий ишлаб чиқарувчиларни қўллаб-қувватлашга доир қўшимча чора-тадбирлар тўғрисида”ги ПҚ-4812-сон қарорлари мазмун-моҳияти юзасидан фикр алмашилди. Божхона ходимлари томонидан божхона қонунчилигига киритилган янгиликлар ва тадбиркорларга яратилган қулайликлар хусусида тушунчалар берилди.

– Мазкур ҳужжатлар тадбиркорлик субъектлари ва божхона ходимлари фаолиятини енгиллаштиради, – дейди вилоят божхона бошқармаси Божхона назоратини ташкил этиш бўлими бошлиғи Олим Қодиров, – Жумладан, 2020 йил 1 сентябрдан «Ягона дарча» божхона ахборот тизими чегара божхона постларида жорий этилган бўлса, 1 ноябрдан божхона юк декларациясини расмийлаштириш вақти хавф даражасидан келиб чиқиб, 3 суткадан 1 кунгача қисқартирилади.

Тадбирда иштирокчиларни қизиқтирган барча масалалар юзасидан фикр алмашилди, саволларга атрофлича  жавоб қайтарилди.