Сирдарё вилояти божхона бошқармаси “Сирдарё” чегара божхона постига  қўшни мамлакатдан кириб келган фуқаро А.А. бошқарувидаги “Волво” русумли юк автотранспорт воситасига ортилган ёғоч товарлари билан юк кузатув хужжатлари ўртасида тафовут борлиги сабабли ўрнатилган тартибда божхона кўригидан ўтказилди.

Натижада, автомашинада ҳужжатларда кўрсатилмаган, умумий қиймати 23,2 миллион сўмлик, 129 дона ёғоч махсулотлари борлиги аниқланди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.