Жумладан, Наманган вилояти божхона бошқармаси Контрабандага қарши курашиш ва божхона аудити бўлими ходимлари томонидан навбатдаги найранг фош этилди.

Хусусан, вилоятда фаолият юритаётган масъулияти чекланган жамият номига хориждан олиб келинган, цемент ташиш учун мўлжалланган “HOWO” русумли юк автотранспорт воситасига Ўзбекистон Республикаси Президентининг 2019 йил 6 мартдаги “Юк ва йўловчи ташиш тизимини тубдан такомиллаштириш чора-тадбирлари тўғрисида”ги ПҚ-4230-сонли Қарори талаблари асосида божхона тўловларидан 2,7 млрд сўмлик имтиёзга эга бўлиш мақсадида божхона органларига тақдим қилинган йўл юк ҳужжатларида 2017 йилда ишлаб чиқарилган деб кўрсатилган.

Бироқ экспертиза хулосасига кўра, ушбу автотранспорт воситаси аслида 2010 йилда ишлаб чиқарилганлиги маълум бўлди

Ҳозирги кунда мазкур ҳолат юзасидан божхона органлари томонидан суриштирув ҳаракатлари давом эттирилмоқда.