Барча мамлакатлар сингари пандемия балоси бизнинг мамлакатимизни ҳам четлаб ўтмади. Бу эса мамлакатимизнинг иқтисодий барқарорлигига ўз таъсирини ўтказмай қолмайди. Мазкур таъсирни олдини олиш ва юмшатиш мақсадида ҳозирда мамлакатимизда бир қатор тизимли ислоҳотлар амалга оширилмоқда. Бу ислоҳотлар эса ўз навбатида ўзининг ижобий натижасини бермоқда.

Хусусан, юртимизда “коронавирус” пандемияси туфайли вужудга келган глобал инқироз барча мамлакатлар иқтисодиётига жиддий таъсирини олдини олиш бўйича янгича ёндашув ва инструментларни қўллаш орқали жорий йил иқтисодиётда ўсиш суръатларини таъминлаш бўйича бир қатор ислоҳотлар амалга оширилмоқда. Жумладан, Сурхондарё вилояти божхона бошқармаси “Сариосиё” чегара божхона постида ҳам бир қатор ишлар амалга оширилмоқда.

Жорий йилнинг етти ойи мобайнида мазкур пост томонидан 27276 та  автотранспорт воситаси божхона назоратидан ўтказилган бўлиб, қиймати  21,1 миллион АҚШ долларлик экспортга расмийлаштирилган товарлар божхона ходимлари томонидан  қисқа фурсатларда хорижга йўналтирилган.

Экспортга божхона назоратидан ўтказилган товарларнинг асосий қисмини тирик жўжа, парранда озуқа еми, мева-сабзавот ва полиз ҳамда  қандолат маҳсулотлари ташкил этади.

Шунингдек, чегара божхона постида хизмат қилаётган ходимлар хавфсизлиги ва коронавирус инфекцияси кириб келишини олдини олиш мақсадида санитария-эпидемиология назорат ўтказиш пунктлари замонавий тиббий ускуналар билан жиҳозланиб, божхона ходимлари махсус тиббий комбинзонлар билан таъминланган.

 Бу эса карантин вақтида аҳоли ва ходимлар саломатлигини сақлаган ҳолда хизмат жараёнини юқори даражада давом эттиришга улкан ҳисса қўшади.