Жумладан, Бухоро вилояти божхона бошқармаси Контрабандага қарши курашиш ва божхона аудити бўлими ходимлари томонидан фуқаро А.Ж. номига хориждан келтирилган “Рефрежираторлик юк автомобили (ГАЗ) модель 2790а” русумли юк автотранспорт воситаси белгиланган тартибда божхона кўригидан ўтказилди.

Кўрик давомида мазкур автотранспорт воситасининг паспорти қалбаки эканлиги ҳамда транспорт воситаси 2017 йилда эмас, балки 2015 йилда ишлаб чиқарилганлиги маълум бўлди.

Натижада, 221,6 миллион сўм божхона имтиёзларидан ноқонуний фойдаланишга бўлган уриниш фош этилди.

Юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.