Хусусан, “Тошкент-Аэро” ихтисослаштирилган божхона комплексининг Контрабандага қарши курашиш ва божхона аудити бўлими ходимлари томонидан ўтказилган тезкор тадбир давомида Чилонзор туманидаги автотураргоҳларнинг бирида дори воситаларининг ноқонуний савдосига чек қўйилди.

Тадбир давомида фуқаро М.А. ўз бошқарувидаги “Нексия-2” русумли автотранспорт воситасида шартли харидорга 278 қути “Мидокалм”, 33 қути “Тенвир”, 100 қути “Урсосан” ва 71 қути “Дюфастон” номли дори воситаларини ноқонуний тарзда сотаётган вақтида тадбир иштирокчилари томонидан тўхтатиб қолинди.

Қонунбузардан умумий қиймати 50 миллион сўмлик 482 қути дори воситалари ашёвий далил сифатида олинди.

Ҳозирда ушбу ҳолат юзасидан божхона органлари томонидан суриштирув ҳаракатлари олиб борилмоқда.